O Concello de Cuntis e o Comercial Vila Aberta veñen de firmar un convenio de colaboración para reactivar o comercio na vila.
Trátase dunha axuda de 12.000 euros coa que buscarán, a través de diferentes campañas e accións, reactivar o fluxo de demanda no comercio local.
A presidenta de Cucova, Rebeca Rey, destacou que se trata dunha iniciativa para "incentivar o consumo local" e axudará a paliar os efectos da pandemia.
Pola súa banda, o alcalde Manuel Campos afirmou que o pequeno comercio é "un dos sectores máis afectados pola situación sanitaria da covid-19 e pretendemos incentivar a súa actividade".