Novo pau xudicial para os intereses de ENCE. O Tribunal Constitucional ha desestimado o recurso da Xunta de Galicia contra o artigo 20 da lei de cambio climático que limita a 75 anos as concesións en dominio público marítimo terrestre.
O Goberno galego interpretaba que a norma estatal afecta tamén a conserveiras ou depuradoras de marisco, ademais de afectar a vivendas. Segundo esta norma a concesión da fábrica de Lourizán non poderá estenderse máis aló do ano 2033.
A Asociación pola Defensa da Ría (APDR) celebrou esta decisión do Tribunal Constitucional que supón un "duro revés" para o Partido Popular "na súa pretensión de perpetuar a concesión de Ence en Lourizán", cunha decisión que "reforza" o argumento do colectivo ecoloxista de que "Ence xa é pasado na Ría de Pontevedra".
Para a APDR o Constitucional "está a tirar por terra unha das vías utilizada polo PP-Ence para dar continuidade ao seu negocio en ríaa" pero auguran "novos intentos" da Xunta e da empresa por "perpetuar os seus privilexios" aínda que, vaticinan, estes "darán o mesmo resultado" que o desta semana.
O presidente da APDR, Antón Masa insta á cidadanía para estar alerta #ante posibles "subterfugios" do PP "para pasar por encima das decisións xudiciais" xa que "sabemos que na defensa dos seus intereses particulares non teñen límites" en referencia á posible adscrición dos terreos de Ence ao Porto de Marín, como exemplo.
Engade Pontevedra Viva como fonte preferida de Google de balde
Mantente informado coas últimas noticias de actualidade.