Os bombeiros de Pontevedra acudiron pouco antes das nove da mañá deste luns para apagar un incendio nun vehículo que circulaba pola rúa da Seca.
Por causas que se descoñecen o motor do vehículo empezou a arder.
O condutor e único ocupante do coche saíu ileso.
Como consecuencia deste suceso e mentres duraron os traballos de extinción e retirada do coche incendiado, a Policía Local cortou o tráfico neste vial o que provocou máis retencións das habituais na rúa José Malvar, ao impedir aos vehículos virar na rotonda para dirixirse ao barrio de Valdecorvos.