A concellería de Deportes do Concello de Marín espera que dentro dunha semana se poda ir retomando de novo a actividade deportiva no Pavillón da Raña despois deste "impase necesario e obrigado polas obras".
A empresa Ediserpo avanza na reforma do pavillón. A obra foi adxudicada por algo menos de douscentos mil euros.
Estas obras, que entran agora na recta final, contemplan unha mellora substancial desta instalación deportiva tratando de mellorala e ampliala para tratar de sacarlle un maior rendemento.
O concelleiro de Deportes, Antonio Traba, supervisou a recolocación de adestramentos e partidos os distintos clubs que aquí teñen a súa sede.