As obras no pavillón de Vilalonga, en Sanxenxo, concluíron na parte interior, polo que a actividade deportiva poderá retomarse a partir deste luns 19 de outubre. Os alumnos do instituto poderán dispor das pistas interiores desta instalación deportiva.
A concelleira de Educación, Sandra Fernández Agraso, e o edil de Deportes, Jesús Sueiro, comprobaron este venres o remate dos traballos e o estado das instalacións interiores, nas que a empresa rematou as tarefas de limpeza.
O resto dos colectivos que utilizan estas instalaciones irán retomando o seu calendario de actividades no pavillón de Vilalonga de xeito progresivo.
A adxudicataria desta obra continuará agora cos traballos pendentes no exterior da edificación, centrados sobre todo na reforma da cuberta.
Esta actuación conta cunha inversión superior aos 128.000 euros, financiados a través do Plan de Obras e Servizos que promove a Deputación de Pontevedra.