Operarios do Concello de Marín procederon este xoves a tallar varias palmeiras da avenida de Ourense afectadas pola praga do picudo.
As palmeiras foran tratadas con anterioridade. Outros exemplares desta avenida xa tiveran que ser cortados polo mesmo problema.
A estampa de palmeiras enfermas repítese ao longo de todas as Rías Baixas.
A maioría de concellos afánanse en tratar de salvalas coa aplicación dun tratamento e mantéñense alerta ante o perigo para a seguridade viaria que supón a caída das ramas secas.