A Autoridade Portuaria, que preside José Benito Suárez Costa, decidiu establecer medidas económicas que eviten que esta situación de crise polo coronavirus agrave o estado de diferentes empresas de Marín e a súa contorna, que ofrecen servizos ás instalacións portuarias.
Desta forma, o Porto de Marín axilizará o pagamento a provedores tanto de servizos como de subministracións, reducindo o prazo habitual de 30 días ao pago de facturas no menor tempo posible.
Desde a Autoridade Portuaria indican que se están a analizar todas as posibilidades que se contemplan no Reais Decreto sobre pagos tributarios e outras medidas de carácter económico que permitan favorecer a liquidez das empresas do porto.
Empresas, servizos, persoal da Autoridade Portuaria, especialmente a policía portuaria, segundo indican desde este organismo, están a realizar un esforzo diario para manter a actividade de entrada e saída de mercadorías con normalidade e garantir a chegada de todas as descargas ao mercado.