O voceiro do grupo provincial do Partido Popular, Ángel Moldes, sostén que si hai un "indicador claro" que marca o fracaso do plan Revitaliza da Deputación é que Vigo, "a cidade da presidenta Carmela Silva e doutros catro deputados socialistas", non quixo adherirse a el.
Ángel Moldes insistiu en que "a día de hoxe non conseguiron ningún dos obxectivos que se marcaron, nin reduciron os residuos que se envían ás plantas de tratamento nin tampouco os recibos dos concellos e dos veciños" polo que asegurou que "ese triunfalismo que amosa o Bipartito é falso".
O deputado popular concluiu que "o Revitaliza está máis pendente do envoltorio, do marketing e da publicidade que do contido".