O Partido Popular de Pontevedra acaba de lanzar unha nova imaxe da súa páxina web na que ofrecerá toda a información sobre o seu proxecto de cidade e as súas propostas para unha Pontevedra Capital para as eleccións municipais do próximo 26 de maio.
O candidato do PP á Alcaldía, Rafa Domínguez, explicou que a páxina web é "unha vía máis de contacto cos veciños", por iso é polo que buscasen que ofreza toda a información sobre as nosas propostas, os actos que celebran e as persoas que forman parte da candidatura, a Executiva local e o grupo municipal.
Esta nova imaxe na súa web súmase ao cambio e impulso xa dado ás súas redes sociais, con contas en Facebook, Twitter, Instagram e Youtube, e segue os pasos de renovación levados a cabo nos últimos meses.
A web manterá a mesma denominación, www.ppdepontevedra.com, pero cunha rexeneración total de contidos. Ao apartado de noticias diarias engádese como novidade a visualización de vídeos, e todos aqueles que o desexen poderán acceder ás distintas redes sociais, tanto do partido como do candidato, a través da propia web.
A intención do PP é reforzar as vías de comunicación con afiliados e simpatizantes e poñer en marcha un vehículo máis "para canalizar as nosas mensaxes e tamén para recibir opinións, ideas, propostas ou necesidades" dos veciños de Pontevedra. A través dela, tentarán transmitir aos pontevedreses que "existe unha alternativa tras 20 anos de goberno nacionalista".
Engade Pontevedra Viva como fonte preferida de Google de balde
Mantente informado coas últimas noticias de actualidade.