O voceiro do grupo provincial do Partido Popular, Ángel Moldes, convidou á presidenta da Deputación de Pontevedra, Carmela Silva a asistir ao balance que os populares están organizando, "e escoitar así o que lle teñen que dicir os colectivos, alcaldes e veciños da provincia sobre a súa xestión nestes tres anos".
O acto está convocado para este luns, 30 de xullo.
"Nós non queremos o protagonismo, preferimos cederllo, como xa fixemos o ano pasado, aos alcaldes e colectivos desta provincia, para que dean a súa opinión sobre a xestión do bipartito PSOE-BNG ao longo destes tres anos", dixo o voceiro do PP na Deputación.
Ángel Moldes insistiu en que "se Carmela Silva quere realmente saber como está a provincia, sería interesante que acuda e escoite o que lle teñen que dicir".