Co obxectivo de descentralizar os servizos municipais e prestar unha mellor atención aos veciños, desde o vindeiro luns a técnica municipal de Emprego atenderá na Casa Mariñeira de Don Fernando onde xa se atopan os departamentos de Deportes e Xuventude.
Na vila mariñeira tamén se atopa, pero noutro edificio municipal, a sede de Servizos Sociais e do Centro de Información á Muller.
Para mellorar a resposta de atención e coordinar as visitas presenciais, os interesados en realizar algún tipo de consulta deberán solicitar unha cita a través do correo orientacionlaboral@sanxenxo.es.
Desde hai 15 anos, o Concello de Sanxenxo ofrece aos veciños unha atención e asesoramento personalizado en materia laboral e un Boletín semanal que recolle as ofertas de traballo do municipio e a comarca, tanto privadas como públicas de forma totalmente gratuíta, que resulta de gran axuda na difusión de ofertas e demandas laborais.
A técnica de Emprego atenderá na planta superior da Casa Mariñeira en horario de 9 a 14 hora