Pontevedra despediu este luns ao que foi o seu alcalde entre os anos 1991 e 1995. A basílica de Santa María acolleu o funeral polo ex rexedor Francisco Cobián, falecido o pasado sábado aos 77 anos de idade.
Numerosas personalidades da vida política e social de Pontevedra quixeron dar o último adeus a Cobián, que se mantivo afastado da política desde que abandonou a Alcaldía.
Os ex alcaldes José Rivas Fontán e Juan Luís Pedrosa foron algunhas das personalidades que acudiron ao funeral para presentar os seus respectos á familia do falecido.
O actual portavoz do PP, Rafa Domínguez, ou o empresario Magín Froiz ou o presidente da Autoridade Portuaria de Marín, José Benito Suárez Costa, entre outros, tampouco quixeron faltar a esta despedida a Francisco Cobián.