A Batalla de Flores, unha das citas que cada ano reúne máis asistentes durante as festas da Peregrina, chegará este venres ás rúas de Pontevedra e vainas encher de cor e de diversión cun desfile de once carrozas e 19 agrupacións.
O desfile sairá ás19.00 horas do cruzamento das rúas Loureiro Crespo e 12 de Novembro e percorrerá Loureiro Crespo, Benito Corbal e Cobián Roffignac para rematar en Padre Amoedo.
As carrozas deste ano serán 'Barco pirata Benito Soto', 'Barco pirata', 'Coello da Sorte Buggs Bunny', 'Gnomo e árbol parlante', 'Circo', 'Calesa con cabalos', 'Emoji', 'Cisnes e Barca', 'Cars', 'Ninfa e sauce' e 'Coco'.
Además, participarán unha comparsa de xigantes e cabezudos, a agrupación folclórica 'Os de Algures', Veira do Río, Héroes dos sonrisos (Rivel), O mundo do circo (Troula), Ciborgs (Pablo Méndez), Gaiteiros das Rías Baixas, Algo bo para as moscas (Rivel), Vikingos (Troula Animación), Ata a vista Malabarista (Rivel), a charanga MIL9, Alicornos (Barafunda), Pola Vila, Faunos e zancos (Pablo Méndez), A hora das aventuras (Rivel), Muertitos (Troula Animación), Saltamontes xigantes (Pablo Méndez), Os de Mourente e Serpe (Barrafunda) .
Como cada ano, a Policía Local de Pontevedra deseñou un operativo especial de tráfico e suporá limitacións de tráfico e estacionamento en todo o percorrido. A apertura do tráfico farase unha vez remate o desfile e a limpeza das rúas polos servizos municipais.
A partir das 8.00 horas deste venres prohíbese o estacionamento na rúa Xosé Malvar, no tramo entre a rotonda de Valdecorvos e Loureiro Crespo. A partir das 14.00 horas prohíbese o estacionamento na rúa Doutor Loureiro Crespo e Benito Corbal e a partir das 16.30 horas en Cobian Roffignac e Padre Amoedo.
A partir das 17:00 horas procederase ao corte de tráfico da rúa Xosé Malvar, no tramo entre a rotonda de Valdecorvos e Loureiro Crespo, e sobre as 18.30 horas procederase ao corte total do tráfico nas rúas comprendidas dentro do percorrido e as adxacentes. (tanto os cortes de tráfico como á apertura farase progresivamente).
A Policía Local de Pontevedra solicita a colaboración cidadá para que non se estacione no percorrido da Batalla de Flores e que presten especial atención a sinalización vertical circunstancial que modifica o réxime normal de utilización da vía. Os vehículos que estacionen con posteridade a colocación do valado serán denunciados e o vehículo trasladados polo guindastre municipal, medida que suporá o pago de 315 euros.