Os próximos días 2 e 3 de xullo o Colexio Provincial de Avogados de Pontevedra será a sé das X Xornadas Nacionais de Comisións de Relacións coa Administración de Xustiza.
As Xornadas celébranse anualmente para tratar de buscar fórmulas de mellora do exercicio o dereito de defensa dos cidadáns e alcanzar unhas conclusións que sirvan de guía para o exercicio diario da profesión de avogado. Nesta ocasión, congregarán en Pontevedra a 95 profesionais en representación dos 83 colexios de avogados de España.
O decano do Colexio, Ramón Jáudenes, destaca que se tratará de analizar ata onde debe ir o papel do avogado como imprescindible interviniente na xurisdicción, buscando optimizar os xeitos de relacionarse para convertelas en máis adecuadas aos tempos actuais, e agilizar así a resolución dos conflitos entre os particulares.
Estas xornadas cobran maior importancia no momento histórico no que se celebran, no que se está a acometer un proceso de modernización da xustiza no que a Abogacía debe ter o seu protagonismo. Entre outros avances está a introdución definitiva das novas tecnoloxías nos xulgados, coa obriga de comunicación telemática. A sociedade vai moitos anos por diante en avances tecnolóxicos e a Xustiza quedouse atrás, pero con esta medida ponse freo a ese estancamento.
A cita permitirá debater sobre aspectos craves da práctica diaria da profesión como as conformidades con outros actores da Administración de Xustiza como a Fiscalía. Ás 10.30 horas do xoves 2 de xullo analizarase a aplicación informática deseñada para implementar o protocolo de conformidades, estudarase a guía de boas prácticas e presentaranse os resultados dos proxectos piloto. A partir das 12.00 horas da mañá presentaranse os novos baremos de accidentes de tráfico.
As xornadas tamén analizarán o dereito de defensa á luz das directivas europeas, de aplicación no noso ordenamiento xurídico, que dan un paso adiante reforzando as garantías do cidadán cando se atopa detido, preponderando a función e intervención do avogado. Será ás 16.30 horas, cunha mesa redonda abordará a Aplicación das directivas 2012/13 UE e 2013/48 UE que incluirá unha presentación do Protocolo Marco moderada polo decano do Colexio de Avogados de Zaragoza e Presidente da CRAJ do Consello Xeral da Abogacía Española, Antonio Morán Durán.
A xornada do venres 3 de xullo comezará co Relatorio sobre as comisións mixtas, e concluirá, ás 11.30 horas, coa presentación do proxecto 'Todos temos axenda', que promueve o Colexio de Avogados de Santa Cruz de Tenerife para axudar a solucionar o problema dos continuos atrasos e demoras que padecen os avogados á hora de asistir aos xulgados.