A Consellería de Sanidade informa que este mércores 24 de febreiro a área sanitaria de Pontevedra-O Salnés conseguiu baixar desa barreira psicolóxica dos mil casos de covid-19. A día de hoxe son 983 os casos activos nesta área sanitaria despois de rexistrarse un descenso de 53 casos menos na última xornada.
Detectáronse 44 novos contaxios.
Tamén haja a presión hospitalaria establecéndose en 55 pacientes de covid ingresados en planta de hospitalización.
Concretamente son 49 persoas ingresadas no Complexo Hospitalario Universitario de Pontevedra, ningún no QuirónSalud Miguel Domínguez e 6 no Hospital do Salnés.
En canto á Unidade de Coidados Intensivos (UCI) do Hospital Montecelo seguen ingresados 17 pacientes críticos.
Así mesmo, permanecen 911 casos de coronavirus evolucionando nos seus respectivos domicilios cunha sintomatoloxía leve.
Desde o inicio do plan de continxencia pola pandemia curáronse 11.061 pacientes. Na última xornada foron 97 as persoas curadas.
Faleceron por este virus na área sanitaria 147 pacientes.
En canto a realización de PCR’ s, nas últimas 24 horas fixéronse 597 probas, que se engaden ás 161.816 xa efectuadas desde o inicio da pandemia na área sanitaria de Pontevedra-O Salnés.
GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 7.292, deles 2.351 son da área da Coruña, 748 da de Lugo, 509 da de Ourense, 983 da de Pontevedra, 1.127 da área de Vigo, 807 da de Santiago e 767 da de Ferrol.
Do total de pacientes positivos, 133 están en UCI, 501 en unidades de hospitalización e 6.658 no domicilio. Polo de agora, en Galicia hai un total de 101.975 persoas curadas, rexistrándose 2.196 falecementos.
O número de PCR realizadas é de 1.641.875.
O número de doses de vacina contra a covid-19 administradas é de 179.156.