Os emigrantes pontevedreses pasan de votar.
Tan só 4.054 emigrantes exerceron o seu dereito ao voto nas eleccións galegas, dun total de 114.754 electores no censo da provincia de Pontevedra.
ÿ dicir, unha abstención de 96,47% dos pontevedreses da diáspora.
O reconto iniciouse na Audiencia de Pontevedra ás oito da mañá.
Unha treintena de funcionarios levaron a cabo este proceso que resulta moi áxil grazas ás novas tecnoloxías, especialmente o lector de códigos de barras.
O intrascendente escrutinio final adxudicou 2.146 votos ao Partido Popular, 1.087 para o PsdeG-PSOE, como terceira forza sitúase Beiras con AGE con 201 votos e finalmente 192 para o BNG.