As mostras de apoio e solidariedade co pobo ucraíno, tras os ataques que está recibindo de Rusia, chegaron tamén aos colexios. É o caso dos centros educativos de Cerdedo-Cotobade.
Dous colexios, o San Xoan Bautista e o de Tenorio, uníronse para facer un acto de repulsa contra os efectos da guerra nos nenos e nenas de Ucraína.
Foi cunha concentración que se celebrou seguindo as indicacións da ONG Save The Children.
O acto consistiu na lectura dun manifesto, a elaboración dun mural con frases dedicadas aos nenos ou en pintar xirasois coas cores da bandeira ucraína.
Para rematar, interpretouse o himno da alegría e soltáronse globos cos desexos dos nenos e nenas de Cerdedo-Cotobade para que os de alá poidan vivir como eles.
Engade Pontevedra Viva como fonte preferida de Google de balde
Mantente informado coas últimas noticias de actualidade.