Cada español investiu unha media de 63,80 euros na compra de décimos para o Sorteo Extraordinario da Lotería de Nadal, que se desenvolve este xoves 22. Por baixo desa media atópanse os habitantes da provincia de Pontevedra, neste caso a cifra sitúase en 54,24 euros, segundo a cifra de consignación por habitante facilitado por Lotería e Apostas do Estado (LAE). En Galicia, a media de gasto é de 61,12 euros por cidadán. Galicia ten consignados 167 millóns de euros en Lotería de Nadal.
Nesta ocasión repartiranse un total de 2.310 millóns de euros en premios, 70 millóns máis que en 2015. Os agraciados co premio Gordo recibirán 400.000 euros ao décimo, con 660 millóns de euros.
Segundo apuntan desde as administracións de lotería, este ano incrementouse a venda. Os clientes buscan, sobre todo, números especiais, que se non se atopan en portelo téntanse localizar por Internet.
O primeiro premio só tocou tres veces na provincia desde 1812, a primeira vez que se celebraba este sorteo.