A primeira visita dos Reis Magos durante este martes para repartir os agasallos foi ao Complexo Hospitalario Universitario de Pontevedra, onde Melchor, Gaspar e Baltasar repartiron caramelos e obsequios aos nenos, antes de participar noutros actos oficiais e de iniciar a visita aos domicilios.
Os menores ingresados na planta de Pediatría do Hospital Provincial, acompañados polos seus familiares, recibiron a visita dos Reis de Oriente. A continuación trasladáronse ata o Hospital Montecelo e alí as súas maxestades atenderon aos fillos dos traballadores do centro nun acto que se celebrou no salón de actos.