45 minutos máis tarde do horario previsto, 75 traballadores de Ambuibérica e delegados do sindicato CIG realizaron un percorrido pola cidade ata a delegación da Xunta de Galicia en Campolongo na segunda xornada de folga convocada nesta empresa. Alí reuníronse con representantes territoriais da Consellería de Sanidade para denunciar as malas condicións en que se atopan os traballadores desta empresa que se encarga das urxencias en diferentes localidades como Lalín, Silleda ou Cerceda.
O representante de CIG-Saúde, Xabier Aboi, denunciou que esta empresa débelle a algún dos traballadores ata 4.000 euros e sinala que desde a xerencia de Ambuibérica só búscase obter beneficio á conta da calidade do servizo.
Ante esta situación, solicitan a intervención da Xunta de Galicia e do 061 para que adopten medidas que permitan un servizo realizado por profesionais técnicos de emerxencias sanitarias. Aboi denuncia que están a contratar a persoas sen esa preparación pola metade do salario.