Chegamos a unha nova entrega de "A cociña gourmet en conserva", coa calidade de sempre das Conservas Pescamar e un prato cheo de sabores do mar: a paella.
Nesta ocasión, usaremos unha lata de mexillóns ao natural Pescamar onde imos aproveitar todos os beneficios deste saboroso molusco bivalvo. Os mexillóns son altamente nutritivos, grazas á súa achega en ferro, fósforo, vitamina B12 e omega 3. O seu baixo contido en graxas e alta porcentaxe de proteínas, convértenos nunha perfecta alternativa ás carnes vermellas.
Para preparar unha deliciosa Paella de marisco con mexillóns ao natural Pescamar necesitamos os seguintes ingredientes:
- 2 latas de mexillóns ao natural Pescamar
- 2 colas de peixe sapo
- 2 luras
- 8 lagostinos
- 4 cunquiñas de arroz para paellas
- 6 allos tenros
- 6 espárragos verdes
- Pemento verde pequeno
- Aceite de oliva virxe extra
- Caldo de peixe
- Azafrán
Preparación:
Pasamos pola tixola lixeiramente as luras e as colas de peixe sapo. Reservamos.
Sofreímos os allos tenros, as colas dos espárragos e o pemento, cortados en anacos pequenos. Engadimos o arroz ata que tome un pouco de cor.
Xuntamos todos os ingredientes no recipiente para cociñar a paella cun pouco de azafrán e engadimos o caldo de peixe. Cocemos a lume forte 10 minutos e outros 10 a lume medio-baixo.
Cando falten uns 7 minutos, engadimos as luras e as colas de peixe sapo que reservaramos, xunto coas puntas dos espárragos e os lagostinos pelados.
Unha vez finalizada a cocción, engadimos, previamente escorridas, as latas de mexillóns ao natural Pescamar e deixamos repousar uns minutos tapado.
En dúas semanas, os produtos do mar serán de novo protagonistas dunha nova receita de "A cociña gourmet en conserva", de Conservas Pescamar.
Engade Pontevedra Viva como fonte preferida de Google de balde
Mantente informado coas últimas noticias de actualidade.