A candidata á secretaría provincial do PSdeG-PSOE, Paloma Castro, entregou este luns de maneira presencial os avais necesarios para poder concorrer no proceso electoral.
A socialista, que xa enviara de maneira telemática devanditos avais, quixo reivindicar un proxecto desde "a esquerda, feminista e a carón das bases" que "dea protagonismo á militancia e a toda a provincia".
"Apostamos por un proxecto no que todo o mundo conte e que teña en conta todas as opinións e sensibilidades", defendeu Castro marcándose como obxectivo "reforzar" o seu partido na provincia de Pontevedra para as próximas citas electorais.
Entre os aspectos que a representante do PSdeG destacou atópase a convicción, con respecto á militancia, de que "é preciso ter en conta a súa voz e ampliar a nosa base social, achegándonos á cidadanía e, especialmente, á mocidade".
Como primeira muller que optará a esta cargo dentro do Partido Socialista na provincia, Paloma Castro defendeu que "o feminismo é a panca que necesita a democracia para ser máis e mellor democracia".