A campaña Cuntis en negro polas violencias machistas tivo este luns 25 de novembro, día internacional pola eliminación da violencia contra as mulleres, un dos seus principais actos.
Cunha concentración diante da casa consistorial, na que participaron máis medio cento de persoas, o municipio mostrou o seu rexeitamento á violencia que se exerce contra as mulleres.
O acto incluíu a lectura dun manifesto e con el concluíuse unha programación que pretendía concienciar e combater a violencia de xénero na sociedade actual.