"Es todo un honor para mí y estoy enormemente agradecida a Núñez Feijóo y al PP de Galicia", con estas palabras na rede social Twitter, Pepa Pardo, portavoz do PP na Deputación de Pontevedra e concelleira no Concello de Pontevedra, manifestaba a súa alegría pola súa proposta pola formación política para que presida o Comité organizador do XVII Congreso do PP de Galicia, que está previsto que se celebre na cidade de Pontevedra o venres 16 e o sábado 17 de xullo.
Nun comunicado, os populares sinalan que esta cita foi suspendida en 2020 e se retoma para actualizar ideas e equipos da formación política. Neste acto está previsto que se ratifique que Alberto Núñez Feijóo continúe presidindo o partido.
Este martes 1 de xuño, a Xunta Directiva do PPdeG manterá unha xuntanza para formalizar esta convocatoria concretando os detalles. Nesa xuntanza vai aprobarse que a avogada pontevedresa sexa a encargada de presidir a Comisión Organizadora do Congreso, que estará formada por un grupo de mulleres novas pero con experiencia dentro do PP.
Es todo un honor para mi y estoy enormemente agradecida a @FeijooGalicia y @ppdegalicia por pensar en mí para presidir el Comité organizador del XVII Congreso del PP de Galicia y, encantada de que se piense en Pontevedra como su sede. https://t.co/muvpvOEgfK
— Pepa Pardo (@PepaPardo3) May 30, 2021