A sección segunda da Audiencia provincial de Pontevedra sinalou para o vindeiro martes 16 de setembro o xuízo por un caso de pornografía infantil.
A acusación diríxese contra un home detido pola Policía Nacional no marco da operación "Cuervo", levada a cabo durante os anos 2020 e 2021.
Na investigación detectouse, entre outros moitos, que o usuario que usaba o programa informático de intercambio desde un domicilio de Vilagarcía de Arousa, procedera a descargar e compartir "seis arquivos con claro contido sexual explícito no que participaban menores de moi curta idade e aspecto prepuber".
Tras as indagacións realizadas púidose identificar a este usuario procedéndose, previo mandamento xudicial, á entrada e rexistro no seu domicilio o 29 de outubro de 2021.
No lugar localizouse o equipo informático do que se serviu o acusado para descargar e distribuír os arquivos de pornografía infantil e ademais acháronse, non só as oportunas trazas informáticas da acción descrita senón a existencia de 287 arquivos de vídeo ou similar, dos cales fora compartidos 83 e nos que se mostra a menores de idade espidas e efectuando actos sexuais.
Entre tales arquivos atopábanse dous arquivos que mostran menores de moi curta idade.
A Fiscalía considera que os feitos descritos son constitutivos dun delito de distribución de pornografía infantil, polo que pide para o acusado unha condena de 8 anos de prisión.
Así mesmo, o representante do Ministerio Público tamén solicita que se lle impoña ao acusado a medida de liberdade vixiada, que se executará con posterioridade á pena imposta, por tempo de 9 anos e que consistirá na prohibición de desempeñar actividades que permitan ou favorezan o contacto con menores de idade. Ademais da obrigación de someterse a programas formativos de educación sexual.
Igualmente, a Fiscalía reclama que se lle impoña ao acusado a pena de inhabilitacion especial para calquera profesion ou oficio, sexa ou non retribuido, que leve, contacto regular e directo con menores de idade, por tempo de 12 anos.