O Concello de Poio vai incorporar ao seu parque móbil tres novas dotacións que redundarán na mellora da reparación, conservación e limpeza de espazos públicos do municipio.
Este equipamento supón un montante económico que supera os 43.600 euros e que se custeará con fondos do Plan +Provincia da Deputación.
Un dos equipos é de pavimentación en quente que se destinará a bacheado e aglomerado.
Outra das dotacións é un novo equipo de limpeza que supoñerá mellorar cualitativamente o servizo de limpeza viaria e finalmente incorporarase un cazo para recollida de algas que redundará na mellora do acondicionamento das praias do municipio.