A cidade de Pontevedra continúa reducindo as cifras da incidencia da covid-19. En concreto, están rexistrados 113 casos activos. Son nove menos que onte. A incidencia a 14 días, segundo o Servizo Galego de Saúde, sitúase en 112 casos por cada 100.000 habitantes.
Neste mesmo rango de incidencia móvense outros dez municipios, tras unirse a eles Sanxenxo nas últimas horas. Alí hai 29 casos activos (1 menos que onte).
O resto son Barro (3 casos, sen cambios), Cerdedo-Cotobade, Cuntis (5 casos, sen cambios), Meis (4 casos, -2), Meaño (5 casos, sen cambios), Moraña (9 casos, sen cambios), Poio (34 casos, -3), Vilaboa e Vilagarcía de Arousa (41 casos, -8).
Por baixo deles atópanse Bueu (6 casos, -1), Caldas de Reis, Forcarei e Ribadumia (2 casos, -1), cuxa incidencia a 14 días non supera os 50, así como A Illa de Arousa, Campo Lameiro e Portas, onde non houbo ningún caso novo de covid-19 nas últimas dúas semanas.
A peor situación epidemiolóxica da área, cunha incidencia superior aos 250, séguese rexistrando, por esta orde, en Soutomaior, Vilanova de Arousa (33 casos, -2) e Ponte Caldelas (18 casos, sen cambios).
Entre 150 e 250 de incidencia a 14 días sitúanse A Lama (5 casos, sen cambios), Cambados (32 casos, -3) e Catoira.
Nese limiar está tamén Marín, que este domingo é o único municipio que rexistra un lixeiro aumento no número de contaxiados, un máis, ata un total de 54.
A incidencia acumulada a 14 días de cada municipio, a partir dos datos proporcionados polo Servizo Galego de Saúde, pode consultarse no mapa que acompaña a esta información.