As oficinas de turismo do Palacete das Mendoza, en Pontevedra, do Mosteiro de Armenteira, en Meis, e a Oficina de Turismo municipal do Porto Deportivo Juan Carlos I recibiron o distintivo Q de Calidade Turística, durante a gala de premios que se celebrou na noite do 21 de xaneiro no marco da feira FITUR.
A distinción supón un recoñecemento á calidade dos servizos prestados.
No caso da oficina do Porto Deportivo, trátase da primeira Q de Calidade Turística en oficinas de turismo xestionada por un concello galego e súmase ás nove praias que conseguiron este verán dita distinción no municipio.
O presidente do Instituto para a Calidade Turística Española (ICTE), Miguel Mirones Díez, fixo entrega en Madrid dos Premios Q 2015, que recoñecen anualmente aquelas empresas e institucións que apostan pola calidade turística.
Os puntos de información de Turismo Rías Baixas recibiron por primeira vez a Q de Calidade no ano 2015, de xeito que se converteron nas primeiras oficinas turísticas de Galicia en alcanzar a distinción. Para lograrlo, superaron unha estrita auditoría que valorou a calidade das instalacións, o servizo de atención e de acollida ao turista e a continua mellora dos medios técnicos e humanos.