O inicio dun máis que probable conflito bélico "ás portas de Europa" levou ao alcalde de Pontevedra, en representación de toda a cidadanía, a condenar o ataque de Rusia contra Ucraína sumándose así ás críticas unánimes de toda a comunidade internacional.
Miguel Anxo Fernández Lores expresou a súa "preocupación" ante unha situación que deixará nunha situación "especialmente vulnerable" a toda a sociedade civil ucraína.
"Ningunha guerra dá resultados que non sexan os mortos", denunciou Fernández Lores, que lamentou que en pleno século XXI " non sexamos capaces de resolver as diferenzas que poidan existir pola vía diplomática" e se renuncie ao diálogo e ao entendemento.
Tras realizar un chamamento "contra todo conflito bélico", o alcalde pontevedrés instou a todos os actores internacionais "que teñan capacidade de influír" neste aspecto, para que "exerzan a súa capacidade de convicción" para frear esta guerra incipiente.
Os responsables desta situación "son todos", engadiu Lores, porque se non se retoma a vía diplomática para resolver este conflito "vai a sufrir moita xente".
Ao goberno municipal, polo momento, non lle consta que haxa en Ucraína ningún cidadán de Pontevedra que se vira atrapado por esta escalada bélica.
Engade Pontevedra Viva como fonte preferida de Google de balde
Mantente informado coas últimas noticias de actualidade.