Despois de 43 días pechados na casa os nenos saíron a pasear este domingo.
Segundo se puido apreciar, a cidadanía pontevedresa respecta escrupulosamente as indicacións dadas polas autoridades sanitarias.
Moitos pais coincidiron en valorar a emoción expresada este domingo polos seus fillos como similar á ilusión do día de Reis. As familias tamén destacaron o necesidade desta medida.
Polas rúas, parques e prazas da cidade comprobouse o cumprimento das pautas marcadas para estas saídas: menores acompañados dun adulto ou unha coidadora, non máis lonxe dun quilómetro da súa casa, con máscara se teñen e mantendo as distancias de seguridade.
Con todo non ocorreu así no resto do Estado. A preguntas dos xornalistas o ministro de Sanidade, Salvador Illa, referiuse ás situacións de risco xeradas por aglomeracións de xente nalgúns lugares de España e asegurou que "se están cumpliendo con carácter general las normas, pero si hiciera falta ajustar algunos criterios, lo haríamos".
Tentando fuxir da polémica xerada por algúns comportamentos irresponsables o ministro engadiu: "estas últimas semanas la ciudadanía española ha dado una muestra de sensatez muy alta, esperamos que continúe".
Engade Pontevedra Viva como fonte preferida de Google de balde
Mantente informado coas últimas noticias de actualidade.