Pontevedra xa se prepara para a eclipse solar

Prepararse para o coñecido como "trío ibérico de eclipses". Ese foi o obxectivo da actividade impulsada este sábado pola Asociación Astronómica Sirio.

Encheron a Praza da Ferrería de todo tipo de telescopios e instrumentos especializados para poder contemplar o sol con seguridade.

Esta actividade, enmarcada na programación da Festa dos Libros, permitiu a numerosos pontevedreses aprender como ver este tipo de fenómenos astrolóxicos.

O primeiro destas eclipses poderase ver en toda a península ibérica o próximo 12 de agosto. Será unha eclipse parcial de sol, visible especialmente en Galicia.

Observar o sol, explicaron os membros da asociación Sirio, sempre entraña un risco para a saúde.

A gran cantidade de radiación que emite pode danar permanentemente a vista, producindo mesmo cegueira, explican os expertos.

Por iso é polo que sexa imprescindible dotarse das ferramentas precisas para poder seguilo con total seguridade, entre elas lentes especializadas ou filtros profesionais.

Outra opción, engaden os especialistas, é observar a eclipse proxectando a imaxe do sol sobre un papel, unha pantalla, unha parede ou un teito usando cartolinas ou espellos.

A eclipse parcial de sol que se verá en agosto espertou un gran interese entre a cidadanía e moitos establecementos hoteleiros non teñen xa habitacións dispoñibles.