Ponteverán, o programa impulsado pola concellería de Xuventude durante os meses de xullo e agosto, volveu a contar cunha notable participación.
Segundo as cifras de inscrición e participación facilitadas polo Concello, Ponteverán 2024 ofertou 609 prazas en diferentes actividades, recibindo 902 pre-inscricións e confirmándose finalmente 591.
A asistencia final foi do 82% de prazas cubertas.
En total o programa municipal para a mocidade pontevedresa ofertou 21 actividades, das cales en 13 foi necesario realizar un sorteo ante a cantidade de solicitudes recibidas.
A máis numerosa de todas as actividades foi unha xornada de orientación nocturna no centro histórico no que participaron 127 mozos e mozas.