A peza audiovisual "A túa meta, o teu destino", da Deputación de Pontevedra, obtivo o premio de prata na categoría de destino turístico no International Tourism Film Festival Africa, celebrado na cidade surafricana de Johannesburgo.
A produción pontevedresa situouse entre os traballos máis valorados nun certame que reuniu un total de 438 propostas procedentes de 47 estados diferentes.
Con esta distinción, a iniciativa de promoción das Rías Baixas suma tres recoñecementos fóra de España no que vai de ano 2026.
O percorrido internacional do vídeo comezou no Japan World’s Tourism Film Festival, un certame no que concorreron 1.300 candidaturas de 110 países.
Posteriormente, a campaña logrou o segundo galardón no New York Festival TV & Film Awards, onde a selección correu a cargo dun xurado composto por douscentos profesionais do sector multimedia, directores e produtores de ámbito mundial.
O proxecto da institución provincial estrutúrase arredor do deporte como elemento de dinamización do territorio.
A estratexia pretende posicionar o destino a través das actividades de turismo activo, o aproveitamento dos espazos naturais da provincia de Pontevedra e o apoio ás empresas e entidades do tecido deportivo e turístico local