Tres anos vanse a cumprir dun suceso que conmocionou a comarca e a toda España, o naufraxio en augas de Terranova da pesqueiro Vila de Pitanxo.
Por ese motivo os familiares das 21 vítimas do afundimento preparan unha sentida homenaxe en Marín.
Terá lugar o vindeiro sábado 15 de febreiro, xa que "ese mesmo día 15 cúmprense tres anos da desgraza do afundimento", explica María José de Pazo en representación das familias.
O acto, aberto á cidadanía, terá lugar ás 12.00 horas á beira da placa en memoria dos falecidos situada no Paseo Alcalde Blanco de Marín.
No mesmo intervirá a Valedora do Pobo, María Dolores Fernández, unha elección que "foi acordada por todos os familiares en agradecimento ao apoio que sempre nos mostrou".
Ao finalizar a homenaxe seguirá ás 13.00 horas no Templo Novo cunha misa oficiada bispo Don Luís Quinteiro.
Este oficio relixioso será en memoria dos 21 falecidos no naufraxio da Vila de Pitanxo e tamén de todos aqueles que perderon a vida no mar.
Confirmaron a súa presenza na homenaxe representantes públicos como o Delegado do Goberno en Galicia, Pedro Blanco; o conselleiro de Mar, Alfonso Villares; ou o cónsul de Perú, entre outros.