Terceira edición do Festival da Arte Rupestre 'Laeros', organizado polo Concello de Campo Lameiro.
Ao redor de 800 comensais participaron nunha das citas máis esperadas do festival, o Xantar Prehistórico no que se degustaron 40 costillares de vacún preparados ao espeto.
Recreacións de escenas da Idade do Bronce, nos que participou a asociación leonesa Boquique, e actuacións musicais animaron a xornada celebrada nas instalacións do Parque Arqueolóxico da Arte Rupestre.
Ademais como novidade, a empresa portuguesa Prehistoric Skills presentou un 'Showcooking Prehistórico' para potenciar a vertente gastronómica do evento, preparando pescado en arxila, pan de landra ou carne en lume directo.
A nota musical puxérona 'Cantos da terra' e a Charanga Os Encerellados.
A xornada contou cunha ampla representación institucional, xa que o alcalde Carlos Costa estivo acompañado polo director xeral de Gandeiría, Agricultura e Industrias Agroalimentarias, José Balseiros; a deputada provincial Isabel Couselo; e os alcaldes de Portas, Ricardo Martínez; Ribadumia, David Castro Mougán; de Moraña, Sito Gómez; e de Crecente, Julio García-Luengo.