O sábado 6 de abril celébrase o Día Mundial da Actividade Física. Por este motivo, o persoal do Centro de Saúde de Cambados decidía organizar unha actividade que anime á cidadanía para realizar prácticas saudables.
Desta forma, organizan para o día previo, o venres 5, unha andaina por diferentes puntos da vila.
A actividade iniciarase ás 12.00 horas desde o edificio do Centro de Saúde, situado na avenida de Galicia, e a duración aproximada para realizar o percorrido establécese en dúas horas.
A organización sinala que non é necesaria a inscrición previa para participar e recomendan acudir con roupa cómoda.
O Concello de Cambados colabora con esta iniciativa.