O denominado sistema Quenda funciona xa no Hospital de Día do Complexo Hospitalario Universitario de Pontevedra.
É así o primeiro centro de todo o Servizo Galego de Saúde en estender a súa aplicación nese ámbito da atención sanitaria que presta.
Mediante o sistema Quenda, cando o paciente pasa por admisión recibe un tícket impreso cun código alfanumérico.
Xa na sala de espera, unha pantalla multimedia cita ao usuario de forma anónima mostrando o seu código a fin de que entre na consulta, a proba ou tratamento que corresponda.
Ademais de mostrarse en pantalla, o paciente tamén pode seguir a súa quenda a través do seu teléfono desde a apliación Sergas Móbil.
Este sistema xa funciona nalgúns centros de saúde de Atención Primaria, en áreas de Atención Hospitalaria como as Consultas Externas ou en Urxencias de Montecelo.
Con esta incorporación a área Sanitaria de Pontevedra-Salnés "reafirma o seu compromiso de situar ao paciente no centro do modelo de coidados, combinando flexibilidade organizativa e as máximas garantías de respecto da intimidade e seguridade das persoas".
Engade Pontevedra Viva como fonte preferida de Google de balde
Mantente informado coas últimas noticias de actualidade.