A Unidade de Cirurxía Maxilofacial e Ortodoncia do hospital Quirónsalud Miguel Domínguez organiza, en colaboración con Recursos Médicos, unha formación presencial teórico-práctica sobre planificación 3D, cirurxía guiada e impresión 3D, para incorporar a dixitalización aos tratamentos dentais.
O curso está aberto a odontólogos e ortodoncistas que queiran adquirir as competencias dixitais necesarias para utilizar o programa de acceso gratuíto BlueSkyPlan na súa rutina diaria. Esta plataforma permite abordar desde tratamentos sinxelos ata os máis complexos con resultados de alta calidade. Ademais, evita os custos de acceso e as actualizacións de softwares que necesiten unha curva de aprendizaxe complexa.
Esta formación será impartida polo Doutor Cristian Docampo, Licenciado en Odontoloxía pola Universidade Alfonso X O Sabio e experto en odontoloxía dixital. Tamén lle acompañará a odontóloga e ortodoncista Julieta Pose, membro do equipo de Cirurxía Maxilofacial e Odontoloxía do Hospital Quirónsalud Miguel Domínguez.
A formación impartirase o venres 18 de novembro en horario de 16:00 a 20:00 horas e o sábado 19 de novembro en horario de 9:30 a 18:00 horas no Salón de actos do hospital.
As prazas son limitadas e é necesaria inscrición a través da seguinte ligazón.