O Instituto Xunqueira I de Pontevedra e o Liceo Clássico Giácomo Leopardi da localidade de Recanatti están a desenvolver un proxecto internacional que comezou a xestarse o ano pasado e que comparten nestas Conversas na Ferrería.
Participan un total de 45 estudantes de ambos os países que cursan Primeiro de Bacharelato e Terceiro de ESO. Desde o centro pontevedrés a iniciativa asumíaa Carmina Aguado xunto a Loli Cruz e Tomás Costal; e as súas colegas italianas son Patrizia Micozzi e Luana Brunni.
O intercambio baséase nun proxecto lingüístico e cultural novidoso denominado " Xunco- Leopardi". Tras a estancia en Pontevedra, - que aproveitaron para compartir uns minutos con PontevedraViva Radio -, estes días continúan a súa convivencia en Recanatti. Alí precísamente, o vindeiro sábado 21, será a estrea da montaxe teatral que estiveron preparando e que articula a iniciativa.
Para esta parte contaron con Marcos Dios, ex alumno da Xunqueira, actor e educador. Trátase de escenificar unha adaptación de " Frankestein" de Mary Shelley con motivo do segundo centenario da publicación.
O Instituto da Xunqueira I segue sumando accións pioneiras no ámbito educativo, das que en boa parte é responsable Tomás Costal que explica: "pretendemos que en lugar de que a eduación estrutúrese en compartimentos estancos, sexa unha única materia.
Neste caso a celebración dunha obra cume da literatura inglesa serve para traballar outras disciplinas relacionadas coa obra e coa programación escolar". A perspectiva italiana engádea Patrizia: "este proxecto sendo en inglés e español enriquece a formación dos mozos; máis aínda sendo multidisciplinar como é este caso".