No segundo dos faladoiros taurinos das Conversas na Ferrería, o programa conta con catro afeccionados que dan o seu parecer sobre o primeiro dos carteis da Feira celebrado o domingo 5. Ramón Habela, membro da Peña Gin Kas - que neste 2018 cumpren 40 anos de existencia na cidade -; Juan Riveiro, presidente da Coordinadora de Peñas Taurinas de Pontevedra; Jandro Pedras da Peña David Campos e Raúl Martínez, da Peña Miuras.
Concordancia en xeral no resultado do encierro de Alcurrucén e igualmente cos correspondentes matices e apreciacións no resultado dos tres destros: 'El Juli', Manzanares e Roca Rey que resulta o máis valorado da primeira terna. Os interlocutores expoñen ademais as súas perspectivas e preferencias para os dous seguintes carteis: o sábado 11 o rejoneador Diego Ventura con touros de 'Los Espartales' e Ferrera e Fandi con hastados de 'Virgen María'. Para o domingo 12 encierro de Daniel Ruiz para Morante, Talavante e Cayetano.