PontevedraViva Radio comeza este martes 13 de marzo a emisión do programa Rumboia. Trátase dun espazo que produce a Asociación de Gaiteir@s Galeg@s e que divulga a música tradicional e o folk galego.
O colectivo representa a todas as persoas que tocan, cantan, bailan e senten a nosa música tradicional.
Nos sucesivos programas de Rumboia preséntanse novos traballos discográficos, lémbrase a grupos e solistas "que contribuíron coas súas músicas para crear ese importantísimo patrimonio que xa forma parte da nosa identidade como pobo".
Rumboia emitirase os martes ás 20.00 horas en streaming e terá redifusión os mércores ás 15.00 horas.
Como o resto de programas de PontevedraViva Radio, o podcast de cada emisión estará dispoñible na web para escoitar en calquera momento.