Segundo capítulo do podcast 'ConéctaTEC' que se centra nos 'timos tecnolóxicos'. De forma sinxela, David López Pazos, adestrador tecnolóxico, advirte sobre como pode entrar un timo a través de internet, ben mediante un dispositivo móbil ou ben a través do computador.
Queres saber como chegan, como se presentan e como detectalos para evitar un desgusto, por exemplo, coa nosa conta bancaria?, estás no lugar adecuado, este recente podcast de PontevedraViva Radio.
Timos que poden chegar a través de chamadas, polos sms do teléfono móbil acompañados de ligazóns falsas e que é un método que igualmente usan a través do correo electrónico, ou mesmo por redes como Whatsapp.
Usar as novas tecnoloxías é irremediablemente estar ao alcance deste tipo de delicuencia, así que convén estar preparados para detectalos e ser prudentes igualmente co uso que facemos das mesmas. Prudencia por exemplo, lendo con calma os contidos que nos poidan chegar por todas esas vías e prudencia igualmente cos contidos de carácter persoal que facemos públicos nas redes sociais.