Para o portavoz municipal do PP, a decisión do Tribunal Supremo de admitir a trámite o recurso de casación presentado por Ence á sentenza da Audiencia Nacional que anulou a prórroga para a súa fábrica de Pontevedra "es un paso importante pero no definitivo".
Rafa Domínguez, tras mostrar a súa "satisfacción" por esta decisión, avogou por ser "muy prudentes", pero entende que esta noticia "abre una puerta de esperanza" para os traballadores da factoría pasteira de Lourizán.
"Desde luego a partir de ahora nadie puede decir que la fábrica está ahí ilegal", sostén Domínguez, que apela a que esta resolución do Supremo "da viabilidad" a que a súa localización sexa legal "porque hay un recurso que está vigente".
O líder dos populares pontevedreses ve como un "factor positivo" que o auto do alto tribunal cite como elementos a valorar tanto un caso similar en Murcia como o "interés general" que supón os empregos que xera Ence.
Reitera que esta decisión é unha "esperanza" para uns traballadores que están a se enfrontar a un "futuro incierto" pola inseguridade xurídica que atravesa este complexo industrial.
Engade Pontevedra Viva como fonte preferida de Google de balde
Mantente informado coas últimas noticias de actualidade.