Dúas novas mulleres sumaranse ao novo comité executivo do PP de Pontevedra, acompañando a Rafa Domínguez na súa nova etapa á fronte do partido. Trátase da doutora Raquel Martínez e a empresaria Silvia Crespo.
Ambos os nomeamentos serán referendados o vindeiro sábado 7 de maio, no congreso local da formación, no que se renovará a directiva do partido.
O dirixente popular detallou que non serán as únicas incorporacións, co obxectivo de seguir “enriquecendo e alargando o partido”.
Raquel Martínez, pediatra no Complexo Hospitalario de Pontevedra, é licenciada en Medicina e Cirurxía pola Universidade de Santiago de Compostela, con especialidade de Pediatría.
É vocal por Pontevedra da xunta directiva da Sociedade de Pediatría de Galicia e vocal representante de médicos de atención especializada da xunta directiva do Colexio Oficial de Médicos de Pontevedra.
Silvia Crespo, o seu parte, vinculada á industria téxtil desde hai vinte anos, é diplomada pola Escola Universitaria de Graduados Sociais e Relacións Laborais de Vigo e formouse como asesora de imaxe en Madrid.
Desde 2018 é vicepresidenta de Aempe e este mesmo ano foi nomeada vicepresidenta da Federación de Comercio de Pontevedra.