Co obxectivo de que ningún neno ou nena de Vilagarcía quede sen agasallos este Nadal, a Policía Nacional acaba de poñer en macha unha campaña de recollida solidaria de xoguetes.
A campaña desenvolverase entre os días 5 e 17 de decembro, ambos os dous inclusive.
Durante este período, calquera persoa interesada en colaborar poderá entregar os seus xoguetes novos ou en perfecto estado directamente nas instalacións desta Comisaría, onde se habilitará un punto de recollida específico.
O obxectivo final é axudar a que as nenas e nenos de familias en situación de vulnerabilidade poidan gozar dun agasallo estas próximas festas do Nadal.
Desta forma, todas as doazóns serán distribuídas entre familias que atravesan dificultades económicas, garantindo que a ilusión chegue aos fogares que máis o necesitan nestas datas tan sinaladas. Isto será posible grazas á colaboración con Cáritas.
Desde a Policía Nacional convídase á cidadanía a participar nesta acción solidaria, lembrando que un xesto sinxelo pode contribuír a "regalar sorrisos" e facer do Nadal unha época máis especial para todos.
A campaña, que leva pola lema 'Regala Sonrisas', é resultado da colaboración entre a delegación de Participación Cidadá da Comisaría de Vilagarcía e Cáritas.
