O presidente da Deputación de Pontevedra, Luis López, e o alcalde de Cuntis, Manuel Campos, comprobaron o remate da obra de mellora da seguridade viaria na EP-8404 entre as localidades de Piñeiro e Arcos.
Supuxo un investimento de 462.000 euros e foi executada nun prazo de catro meses.
A actuación afectou a un treito de 3,4 quilómetros e incluíu a reposición do firme e a mellora de distintos elementos de seguridade.
Tamén se construíron beiravías de seguridade que melloran a drenaxe da vía, reparáronse as beirarrúas e substituíuse a sinalización vertical e horizontal.
O mantemento da rede viaria provincial, formada por máis de 1.600 quilómetros, "é un dos piares da nosa acción de goberno", declarou Luis López.
A Deputación aprobou este venres os orzamentos do vindeiro ano 2026, que inclúen un reforzo do servizo de infraestruturas de máis do 50%, o que eleva a partida ata case 40 millóns de euros.
Luis López destacou que a Deputación está a investir este ano un total de 1,2 millóns de euros en Cuntis, un municipio no que tamén están en marcha outras actuacións en estradas provinciais.
Entre elas, estase a actuar nas EP-8402 e EP-8403 ao seu paso polas localidades de Xinzo, A Casiña e Piñeiro.
Engade Pontevedra Viva como fonte preferida de Google de balde
Mantente informado coas últimas noticias de actualidade.