Durante esta semana está a traballarse na instalación da nova tarima de acceso á igrexa de San Bartolomeu no centro histórico de Pontevedra.
A concellería de Servizos Urbanos básicos, responsabilidade do edil Xaquín Moreda, acometeu a reparación do pavimento exterior de ingreso ao templo.
Os traballos consistiron en cambiar a tarima de madeira que presentaba pezas deterioradas por unha nova que evite riscos para as persoas que acoden á igrexa.
A empresa GPD foi a encargada de asumir a obra cun contrato de 24.135 euros.
O Concello priorizou esta intervención a peticióo do alcalde Miguel Anxo Fernández Lores que defende o mantemento dos espazos públicos "en perfecto estado de uso", garantindo a seguridade para as persoas que se achegan ao templo.