Chamáronlle Nell e é un pequeno cachorro ao que o seu anterior dono arroxou ao interior dun colector de lixo na parroquia de San Andrés, en Caldas de Reis.
Afortunadamente un veciño da zona rescatouno a tempo, entregándollo á Agrupación de Voluntarios de Protección Civil.
Agora buscan un fogar para este canciño, polo que aquelas persoas que estean interesadas na súa acollida poden poñerse en contacto con Protección Civil de Caldas de Reis a través do teléfono 609 556 549.
Respecto da autoría deste abandono, está a investigarse pola zona. O animal carecía de microchip ou algún outro elemento identificativo.