Dous mergulladores do Grove tiveron que ser rescatados polos servizos de emerxencia tras afundirse o seu barco nas inmediacións da praia de Nanín, no municipio pontevedrés de Sanxenxo.
O afundimento da embarcación, que se rexistrou esta mañá, produciuse por motivos que as autoridades aínda descoñecen.
As primeiras hipóteses apuntan a que, probablemente, o mal estado do mar levou á embarcación cara ás rochas.
Os mergulladores foron rescatados polo servizo municipal de emerxencias de Sanxenxo cando se atopaban resgardados enriba dunha desas rocas.
Ningún deles precisou asistencia sanitaria.
No rescate, ademais de efectivos do servizo municipal de emerxencias e da Policía Local de Sanxenxo, participaron Salvamento Marítimo e a Garda Civil.