A circulación na autoestrada AP-9 cara a Vigo sufriu complicacións desde as 7:33 horas deste luns.
Unha colisión entre dous turismos no quilómetro 151,9, na proximidade do túnel da Madroa en dirección Portugal, motivou o peche dun carril.
Esta restrición produciu notables retencións de vehículos na contorna da ponte de Rande, desde o acceso de Vilaboa cara a Teis, na entrada á cidade de Vigo.
O servizo 112 Galicia coordinou a intervención de Urxencias Sanitarias-061, axentes da Garda Civil de Tráfico e operarios de mantemento da vía.
Os sanitarios prestaron asistencia á persoa que pilotaba un dos vehículos por unha lesión nunha perna.
As retencións mantivéronse ata arredor das 10.00 horas.
Engade Pontevedra Viva como fonte preferida de Google de balde
Mantente informado coas últimas noticias de actualidade.